گوگل نیوز پر ہمیں فالو کریںشوبز انڈسٹری کی معروف اداکارہ ماہرہ خان نے ماضی کی مشہور بھارتی اداکارہ پروین بابی کو انوکھے انداز میں خراج عقیدت پیش کیا، انہوں نے لیجنڈری اُن ہی کا روپ اپنا لیا۔
اپنے انسٹاگرام اکاؤنٹ پر ماہرہ خان نے ایک ویڈیو شیئر کی ہے جس میں انہیں 1979 کی بالی ووڈ بولڈ اداکارہ پروین بابی کے جیسے چمکیلے لباس، ہیئر اسٹائل اور میک اپ میں دیکھا جا سکتا ہے۔
View this post on Instagram
ویڈیو میں ماہرہ خان نے پروین بابی کے کام اور خوبصورتی کی تعریف بھی کی اور بتایا کہ اُنہوں نے پہلی بار پروین بابی کو ایک میگزین کوور پر دیکھا تھا۔
ماہرہ خان کو انسٹا گرام پر شیئر کی گئی ویڈیو میں پروین بابی کا روپ دھارے فوٹو شوٹ کرواتے اور خصوصی انٹرویو دیتے دیکھا جاسکتا ہے۔
ماہرہ خان کی اس ویڈیو کو سوشل میڈیا صارفین کی جانب سے پسند کیا جا رہا ہے اور انتہائی خوبصورت انداز میں پروین بابی کو خراجِ تحسین پیش کرنے پر ماہرہ خان کی خوب تعریفیں بھی کی جا رہی ہیں۔
