گوگل نیوز پر ہمیں فالو کریںپاکستان کے سابق کپتان شاہد آفریدی نے کہا کہ فاسٹ باؤلر حارث رؤف کو آسٹریلیا کے خلاف تین ٹیسٹ میچوں کی سیریز میں کھیلنا چاہئے تھا۔
قومی ٹیم کے فاسٹ بولر حارث رؤف نے اپنے کیریئر میں ابھی تک صرف ایک ٹیسٹ اور 9 فرسٹ کلاس میچز کھیلے ہیں، انہوں نے پاکستان کے دورہ آسٹریلیا کا حصہ بننے کی پیشکش کو ٹھکرا دیا اور اس کے بجائے بی بی ایل کے میلبورن سٹارز سے مقابلہ کرنے کا انتخاب کیا۔
قومی کھلاڑی بین الاقوامی کرکٹ کے بجائے فرنچائز کرکٹ سے زیادہ کمانے کے لیے پر تول رہے ہیں، آسٹریلیا کی بگ بیش لیگ پاکستان کے کرکٹرز کے لیے خاص طور پر پرکشش امکان ہے، کیونکہ قومی کھلاڑی پر آئی پی ایل کھیلنے پر پابندی ہے۔
پاکستان کے کرکٹ بورڈ کے ساتھ ایک مختصر تعطل کے بعد، حارث رؤف کو اس ماہ کے شروع میں بی بی ایل میں محدود شرکت کی اجازت دی گئی، جس میں 30 سالہ کھلاڑی نے چار میچ کھیلے اور چھ وکٹیں حاصل کیں۔
2009 اور 2016 کے درمیان ٹیسٹ کرکٹ، ایک روزہ بین الاقوامی اور ٹی ٹوئنٹی میں ملک کی قیادت کرنے والے شاہد آفریدی نے دوسرے ٹیسٹ کے موقع پر صحافیوں کو بتایا، ”میرے خیال میں حارث کو (بی بی ایل) کے بجائے اس ٹیم کا حصہ ہونا چاہیے۔
