گوگل نیوز پر ہمیں فالو کریںناظم اعلیٰ وفاق المدارس العربیہ پاکستان مولانا محمد حنیف جالندھری نے ڈنمارک میں مقدس کتب کی بے حرمتی کے خلاف قانون سازی کا خیر مقدم کیا ہے۔
مولانا جالندھری نے اپنے بیان میں ڈنمارک میں ہونے والی قانون سازی کا خیر مقدم کرتے ہوئے کہا کہ یہ قانون قرآن کریم کو جلا کر انتہا پسندی کا مظاہرہ کرنے والوں کو ان کی شرانگیزی سے روکنے کا ذریعہ بنے گا۔
مولانا جالندھری نے کہا کہ قرآن کریم اور مقدس شخصیات کی توہین کرنے والے عالمی امن کے لیے خطرہ ہیں۔ ڈنمارک کی پارلیمنٹ کی طرف سے اس قانون کی منظوری اور اس پر عملدرآمد امن و امان کی ضمانت ثابت ہوگی۔
مولانا محمد حنیف جالندھری نے ڈینش پارلیمنٹ میں اس قانون کے حق میں ووٹ دینے والے ممبران پارلیمنٹ کو خراج تحسین پیش کرتے ہوئے اس بات کی ضرورت پر زور دیا کہ دنیا کے دیگر ممالک میں بھی بلکہ عالمی سطح پر ایسی قانون سازی ہونی چاہیے۔
انہوں نے کہا کہ اس طرح کی قانون سازی کے ذریعے آسمانی کتابوں اور انبیاء کرام اور دیگر مقدس ہستیوں کی توہین کا سلسلہ بند کیا جا سکے اور مختلف مذاہب کے پیروکاروں کے مذہبی جذبات کو ٹھیس پہنچانے سے ہر کسی کو باز رکھا جا سکے۔
