کیا بادام کھانے سے وزن کم کیا جاسکتا ہے؟ سائنسی تحقیق میں نئے انکشافات

وزن کم کرنا ہر دور میں خاص طور پر خواتین اور شوبز سمیت پرفارمنگ آرٹ کے مختلف شعبوں سے وابستہ افراد کیلئے اہمیت کا حامل عمل رہا ہے جبکہ بادام وزن کم کرنے میں اہم کردار ادا کرتے ہیں۔ سائنسی تحقیق سامنے آگئی۔

تفصیلات کے مطابق یونیورسٹی آف ساؤتھ آسٹریلیا نے ایک نئی تحقیق میں بتایا کہ بادام کھانے سے نہ صرف وزن کم کرنے بلکہ کارڈیو میٹابولک صحت کو بہتر بنانے میں بھی مدد ملتی ہے۔ محققین کا کہنا ہے کہ خوراک میں بادام شامل کرنے سے اچھے نتائج حاصل ہوتے ہیں۔

غزہ اسرائیل تنازعہ، ایلون مسک نے تیسری عالمی جنگ کا خدشہ ظاہرکردیا

بادام پروٹین، فائبر اور وٹامنز اور معدنیات سے بھرپور ہوتے ہیں جبکہ وزن کی کمی پر کیا گیا یہ مطالعہ اپنی نوعیت کا سب سے بڑا مطالعہ تھا جس کے نتائج سامنے آگئے۔ بادام جیسے گری دار میوے کو زیادہ چکنائی کی وجہ سے وزن میں کمی کی بجائے اضافے کا باعث سمجھا جاتا ہے۔

یہ بھی پڑھیں:

رواں سال کا آخری چاند گرہن 28اکتوبر کو ہوگا

محققین کا کہنا ہے کہ مطالعے میں 106 شرکاء نے 9 ماہ کے کھانے کا پروگرام مکمل کیا۔پروگرام کے دونوں مراحل میں 15فیصد شرکا  کو ایک خاص طرح کی غذا دی گئی جس میں بادام شامل تھے۔مطالعے کیلئے کیلیفورنیا کے ایک بورڈ نے تعاون کیا تھا جو بادام کو فروغ دیتا ہے۔

ماہرین کا کہنا ہے کہ تحقیق کے نتائج مزید ثبوت فراہم کرتے ہیں کہ غذائی ماہرین اور غذائیت کے ماہرین متوازن غذا کے حصے کے طور پر بادام کی سفارش کر سکتے ہیں، حالانکہ لوگ اکثر گری دار میوے سے گریز کرتے ہیں کیونکہ ان میں کیلوریز اور چکنائی زیادہ ہوتی ہے۔

تحقیق سے پتا چلا کہ جو لوگ بادام کھاتے ہیں ان کا وزن اتنا ہی کم ہوتا ہے جتنا ان لوگوں کا جو نہیں کھاتے تھے۔انہوں نے کارڈیو میٹابولک صحت کے مختلف اقدامات جیسے کہ بلڈ پریشر، بلڈ شوگر، اور لپڈس میں بھی بہتری کا معائنہ کیا۔

مذکورہ تحقیق میں 24 سے 65 سال کی عمر کے 140 مرد اور خواتین کو بھرتی کیا گیا جن کا  بی ایم آئی (باڈی ماس انڈیکس) زیادہ وزن یا موٹاپے کی حد میں تھا۔محققین کا کہنا ہے کہ بادام کھانے سے موٹاپا پیدا نہیں ہوتا، تاہم بادام کی مدد سے موٹاپے کو کم کرنے میں مدد ملتی ہے۔