گوگل نیوز پر ہمیں فالو کریںایکسپریس ٹی وی پر نشر ہونے والے ڈرامہ سیریل رضیہ کا اختتام ہوگیا جس پر اظہارِ تحسین کرنے والے سوشل میڈیا صارفین کا کہنا ہے کہ ڈرامے کی کہانی شاندار تھی۔
ڈرامہ سیریل رضیہ میں ایک نوجوان لڑکی رضیہ کی کہانی پیش کی گئی جسے اس کے والدین صرف اس لئے بُرابھلا کہتے ہیں کیونکہ وہ ایک لڑکی ہے۔ ڈرامے کی کاسٹ میں ماہرہ خان، مومل شیخ، محب مرزا، شاہیرا جلیل، کاشف حسین اور دانیہ کنول شامل ہیں۔
محسن علی کی تحریر اور ہدایت کاری میں بننے والے اس پراجیکٹ کے ایگزیکٹو پروڈیوسر حنا امان اور کامران آفریدی ہیں۔
گزشتہ روز منی سیریز کی آخری قسط نشر کی گئی، جس پر سوشل میڈیا صارفین کا بڑا مثبت ردعمل آرہا ہے۔ ناظرین کا کہنا ہے کہ ڈرامے کی کہانی بہت شاندار تھی اور اس میں تمام اداکاروں نے بہترین اداکاری کی۔
ناظرین کو ڈرامے میں ماہرہ خان کی اداکاری نے بہت زیادہ متاثر کیا، خاص طور پر انھیں آخری قسط میں ماہرہ خان کا سابقہ شوہر اور بھائی کےچہروں پر تھپڑ مارنا بھی پسند آیا۔
