گوگل نیوز پر ہمیں فالو کریںڈھاکہ: بنگلہ دیشی کرکٹر نے ایشیاء کپ کی تیاری کے طور پر جلتے ہوئے کوئلوں پر چلنا شروع کردیا۔
سوشل میڈیا پر ایک ویڈیو وائرل ہوئی ہے جس میں بنگلا دیش کے نوجوان بلے باز محمد نعیم شیخ کو جلتے کوئلوں پر چلتے ہوئے دیکھا جاسکتا ہے۔
یہ ویڈیو بنگلہ دیش کرکٹ ٹیم کے سوشل میڈیا مینیجر سیف احمد نے اپنے ایکس اکاؤنٹ پر شیئر کی ہے جس میں انہوں نے بتایا کہ نعیم شیخ دماغی مضبوطی کے لیے ٹرینر کے ساتھ ٹریننگ کررہے ہیں۔
Naim Sheikh working with a mind trainer ahead of Asia Cup. pic.twitter.com/mkykegJ06p
— Saif Ahmed 🇧🇩 (@saifahmed75) August 18, 2023
ویڈیو سامنے آنے کے بعد کئی صارفین نے بنگلہ دیشی ٹرینر کو تنقید کا نشانہ بنایا اور یہ بھی کہا کہ یہ کسی کی جان خطرے میں ڈالنے والی بات ہے۔
ارجنٹائن کے اسٹار فٹبالر لیونل میسی نے ایک اور اعزاز اپنے نام کرلیا
ایک صارف کی جانب سے شیئر کی جانے واکی تفصیلات کے مطابق مائنڈ ٹرینر کوئی اور نہیں سبط ریحان ہیں جو اس سے قبل بنگلہ دیش پریمیئر لیگ (بی پی ایل) کی فرنچائز رنگپور رائیڈرز کے ساتھ بھی کام کر چکے ہیں۔
ریحان بنگلہ دیش کے ایک مشہور ذہنی تربیت کار ہے اور وہ اکثر ملک میں قومی اور بین الاقوامی کھلاڑیوں کی دماغی حالت کو مضبوط کرنے پر کام کرتے ہیں۔
