گوگل نیوز پر ہمیں فالو کریںشانگلہ: شانگلہ میں افسوسناک واقعے میں کرکٹ کھیلتے بچوں پر پہاڑی تودہ گرگیا،جس کے نتیجے میں 8بچے لقمہ اجل بن گئے، جبکہ متعدد لاپتہ ہوگئے ہیں۔
ذرائع کا کہنا ہے کہ شانگلہ کے علاقے مارتونگ میں کرکٹ کھیلنے میں مصروف بچوں پر اچانک پہاڑی تودہ گرگیا، جس کے باعث متعدد بچے اس کے نیچے دب گئے، اطلاع ملنے پر ریسکیو1122 ٹیمیں موقع پر پہنچ گئیں اورامدادی کارروائیوں کا آغاز کردیا گیا ہے۔
ریسکیو1122 شانگلہ / پہاڑی تودہ گرگیا
مارتونگ میں کھیل میں مصروف بچوں پر پہاڑی تودہ گر گیا، ریسکیو1122 ٹیمیں موقع پر پہنچ گئیں،5 جسد خاکی نکال لیے،متعدد بچے ملبے تلے لاپتہ ہیں، جن کی تلاش کے لیے سرچ آپریشن جاری ہے
ریسکیو1122 کی 3ایمبولینسز، 22اہلکار اور ایکسویٹر آپریشن میں مصروف pic.twitter.com/HqenjnbQF6
— KP_Rescue1122 (@KPRescue1122) July 6, 2023
ریسکیو حکام کا اس حوالے سے کہنا ہے کہ افسوسناک واقعے میں اب تک ملبے تلے سے 8 بچوں کی لاشوں کو نکال لیا گیا ہے، جبکہ مقامی افراد کے مطابق اب بھی متعدد بچے ملبے کے نیچے دبے ہوئے ہیں، جن کی تلاش کا عمل جاری ہے۔
مزید پڑھیں:لاہور میں دوسرے روز بھی بارش کا سلسلہ جاری، 4 افراد جاں بحق، 15 زخمی
ڈپٹی کمشنر شانگلہ حسن عابد نے بتایا کہ امدادی ٹیموں کی 3 ایمبولینسز، 28 اہلکار اور ایکسویٹر ریسکیو آپریشن میں حصہ لے رہے ہیں۔
