گوگل نیوز پر ہمیں فالو کریںپاکستان کے معروف اداکار شمعون عباسی نے کہا ہے کہ اب پاکستان مخالف کردار کر کرکے تھک چکا ہوں، فلم سازوں اور پروڈیوسرز سے درخواست ہے کہ اب پاکستان مخالف کردار نہ دیے جائیں۔
گزشتہ دنوں اداکار شمعون عباسی نے ایک پروگرام میں شرکت کی، جس میں انہوں نےکہا کہ اتنے منفی کردار کیے ہیں کہ اب بعض اداروں سے بھی فون آنے لگے ہیں، بھارتی جاسوس کلبھوشن یادیو پر بنائی گئی میری فلم “ڈھائی چال” کی شوٹنگ مکمل ہوچکی ہے، اب ریلیز کا انتظار ہے، فلم کچھ اداروں کی اجازت کے بعد ریلیز کی جائے گی۔
انہوں نے کہا کہ معروف گلوکار عاطف اسلم اور اداکارہ نیلم منیر کو میں نے متعارف کروایا تھا جبکہ ہمایوں سعید کی کامیابی میں بھی میرا کردار رہا ہے۔
شمعون عباسی نے مزید کہا کہ اداکارہ میرا کوئی ڈرامے بازی نہیں کرتیں، وہ جیسی ہیں ویسی ہی باتیں کرتی ہیں ، اُن سے متعلق بعض لوگ غلط باتیں پھیلاتے ہیں۔
