گوگل نیوز پر ہمیں فالو کریںنئی دہلی: بھارت کے سابق وزیرِ ریلوے لالو پرساد یادو نے کہا ہے کہ ہم بی جے پی اور آر ایس ایس کے خلاف اپنی نظریاتی لڑائی جاری رکھیں گے۔ ہمیں 15 گھنٹوں تک بٹھا کر رکھا گیا۔
تفصیلات کے مطابق ریلوے میں زمین کے عوض نوکریاں دینے کے الزام میں سی بی آئی اور ای ڈی کارروائیوں پر لالو پرساد نے سخت ردِ عمل دیا اور اسے مودی حکومت کی پست درجے کی سیاست قرار دے دیا۔
ترکی میں عام انتخابات 14 مئی کو ہوں گے۔ صدر کا اعلان
سماجی رابطے کی ویب سائٹ ٹوئٹر پر سابق بھارتی وزیر لالو پرساد یادو نے اپنے پیغام میں کہا کہ ہم نے ایمرجنسی کا سیاہ در بھی دیکھا اور اس وقت بھی لڑائی لڑی۔ مودی حکومت میں ہم پر انتقام کی نیت سے مقدمات درج کیے گئے۔
ٹوئٹر پیغام میں لالو پرساد یادو نے کہا کہ میری حاملہ بہو، ننھے منے بچوں اور بیٹیوں کو بی جے پی کے باعث 15 گھنٹوں تک بٹھایا گیا۔ کیا بی جے پی اتنی پست سطح پر اتر کر ہم سے سیاست کرے گی؟
हमने आपातकाल का काला दौर भी देखा है। हमने वह लड़ाई भी लड़ी थी। आधारहीन प्रतिशोधात्मक मामलों में आज मेरी बेटियों, नन्हें-मुन्ने नातियों और गर्भवती पुत्रवधु को भाजपाई ED ने 15 घंटों से बैठा रखा है। क्या इतने निम्नस्तर पर उतर कर बीजेपी हमसे राजनीतिक लड़ाई लड़ेंगी?
— Lalu Prasad Yadav (@laluprasadrjd) March 10, 2023
سابق وزیرِ ریلوے لالو پرساد یادو کا کہنا ہے کہ آر ایس ایس اور بی جے پی کے خلاف ہم نظریاتی جنگ جاری رکھے ہوئے ہیں جو ہمیشہ جاری رہے گی۔ ہم نے ان کے آگے کبھی نہ گھٹنے ٹیکے اور نہ ہی ہمارے خاندان یا پارٹی کا کوئی آدمی ان کے سامنے جھکے گا۔
