گوگل نیوز پر ہمیں فالو کریںلاہور: پاکستان تحریک انصاف (پی ٹی آئی) کے چیئرمین عمران خان نے بدھ سے لاہور سے ’جیل بھرو‘ تحریک شروع کرنے کا اعلان کیا ہے۔
جمعہ کو اپنے ٹیلی ویژن خطاب میں، عمران خان نے کہا کہ انہوں نے پنجاب اور خیبرپختونخوا کی اسمبلیاں اس لئے تحلیل کیں کہ ملک کا ”آئین واضح ہے” کہ انتخابات کسی بھی اسمبلی کی تحلیل کے 90 دن کے اندر کرائے جائیں۔
پی ٹی آئی چیئرمین عمران خان نے کہا کہ نگران حکومت اور عبوری وزرائے اعلیٰ 91ویں دن غیر قانونی ہوں گے۔
عمران خان نے کہا کہ الیکشن کمیشن آف پاکستان (ای سی پی) بے بسی کا مظاہرہ کر رہا ہے اور الیکشن نہ کرانے کے بہانے بنا رہا ہے۔
عمران خان نے واضح کیا کہ انہوں نے اپنی تیاریاں مکمل کر لی ہیں اور جیل بھرو تحریک ملک کے دیگر بڑے شہروں تک پھیلانے سے پہلے لاہور سے اپنی تحریک کا آغاز کریں گے اور ملک کی جیلوں کو زیادہ سے زیادہ بھریں گے۔
انہوں نے کہا کہ ہم عوام کے جیل جانے کے خوف پر قابو پانے کے لیے تحریک شروع کر رہے ہیں۔
مزید پڑھیں:الیکشن کمیشن احتجاج، عمران خان کی مقدمے سے دہشت گردی کی دفعات حذف کرنے کی درخواست
انہوں نے کہا کہ الیکشن کمشنر بہانہ بنا رہے ہیں کہ ان کے پاس فنڈز نہیں ہیں، امن و امان کا مسئلہ ہے، عدالتی احکامات کے باوجود ریاستی ادارے تعمیل نہیں کر رہے، انہوں نے مزید کہا کہ اگر الیکشن نہ ہوئے تو 90 دن، یہ ایک آئینی بحران پیدا کرے گا۔
