پشاور کی پولیس لائنز مسجد میں ہونے والے خودکش حملے میں امامِ مسجد صاحبزادہ نورالامین بھی شہید ہوئے ہیں۔

عینی شاہد محمد اسحاق نے بتایا کہ ہم نے معمول کے مطابق وضو کیا، سنتیں پڑھیں اور جیسے ہی فرض کیلئے کھڑے ہوئے، امام نے اللہ اکبر کہا پورا ہال دھماکے سے اُڑ گیا۔ اس کے بعد ہمیں سمجھ نہیں آیا کہ ہم کہاں ہیں۔

ریسکیو ذرائع کے مطابق زیادہ تر افراد بال بئیرنگ لگنے سے زخمی ہوئے ہیں۔

یہ بھی پڑھیں:

ریسکیو ٹیم نے کئی گھنتوں کی محنت کے بعد ملبے سے ایک زخمی کو نکال لیا ہے، جبکہ مزید افراد کو نکالنے کیلئے ریسکیو آپریشن جاری ہے۔

ریسکیو حکام کے مطابق زمین بوس چھت کا ملبہ ہیوی مشینری کے ذریعے احتیاط سے ہٹایا جارہا ہے۔

خودکش دھماکے میں شہداء کی تعداد 39 اور زخمی 140 سے زائد ہوچکے ہیں۔ دھماکے سے مسجد کا ایک حصہ بھی شہید ہوگیا ہے۔