قومی اسمبلی کی پبلک اکاؤنٹس کمیٹی نے سپریم کورٹ ڈیم فنڈ کے بارے میں تفصیلات فراہم نہ کرنے پر چیف جسٹس آف پاکستان کو خط لکھنے کا فیصلہ کرلیا۔

پبلک اکاؤنٹس کمیٹی کے اجلاس کے دوران آڈیٹر جنرل آف پاکستان کی طرف سے پی اے سی کو آگاہ کیا گیا کہ سپریم کورٹ حکام کی طرف سے فنڈز تفصیلات فراہم نہیں کی گئیں۔

یہ بھی پڑھیں:

جس پر پبلک اکاونٹس کمیٹی نے فیصلہ کیا ہے کہ رجسٹرار آفس کی طرف سے سپریم کورٹ ڈیم فنڈ کی تفصیلات فراہم نہ کرنے پر اس بارے میں چیف جسٹس آف پاکستان عمر عطا بندیال کو خط لکھا جائے گا۔

پبلک اکاونٹس کمیٹی کی ہدایات پر سیکرٹری کمیٹی نے اس سے قبل رجسٹرار سپریم کورٹ کو خط لکھ کرسپریم کورٹ ڈیم فنڈ کی تفصیلات طلب کی تھیں لیکن وہ فراہم نہیں کی گئی۔

آڈیٹر جنرل آف پاکستان کی طرف سے بھی پی اے سی کو بتایا گیا کہ بار بار پوچھنے پر بھی فنڈ کی تفصیلات فراہم نہیں کی جارہیں، اس سے قبل پی اے سی سابق چیف جسٹس ثاقب نثار کوخط کے ذریعہ اجلاس میں طلب کرچکی ہے لیکن وہ بھی نہیں آئے تھے۔

یہ بھی پڑھیں:

پی اے سی نے آڈیٹر جنرل سے استفسار کیا تھا کہ ڈیم فنڈ میں کل کتنی رقوم جمع ہوئیں تھیں، یہ فنڈز کس طرح سے استعمال کئیے گئے؟ سب تفصیلات متعلقہ حکام سے لے کر کمیٹی کو بتائی جائیں۔