گوگل نیوز پر ہمیں فالو کریںڈوڈوما: تنزانیہ کی سب سے بڑی ایئرلائن کا مسافر بردار طیارہ دوران لینڈنگ رن وے سے کچھ دوری پر وکٹوریہ جھیل میں گر گیا۔
بین الاقوامی خبر رساں ادارے کا اس حوالے سے کہنا ہے کہ طیارہ خراب موسم کے باعث لینڈنگ کے دوران جھیل میں گرا، تنزانیہ کے شہر بوکوبا کی وکٹوریہ جھیل میں ڈوبنے والے پرسیجن ایئر کے طیارے میں 39 مسافر، 2 پائلٹس اور 2 کیبن کریو سوار تھے۔
ریسکیو ٹیموں کی جانب سے امدادی کاموں کا آغاز کردیا گیا ہے جبکہ 26افراد کو جھیل سے بحفاظت نکال کر قریبی اسپتال منتقل کردیا ہے اور مزید مسافروں کی تلاش کا کام جاری ہے۔
مزید پڑھیں:امریکا نے یوکرین کی فوجی امداد کیلئے اضافی رقم مختص کرنے کا فیصلہ کرلیا
واضح رہے کہ 5 سال قبل بھی شمالی تنزانیہ میں سفاری کمپنی کوسٹل ایوی ایشن کا ایک طیارہ گر کر تباہ ہوا تھا جس میں 11 افراد لقمہ اجل بن گئے تھے۔
