پاکستان تحریک انصاف نے فیصل واؤڈا کو شوکاز نوٹس جاری کرنے کا فیصلہ کرلیا۔ جنرل سیکریٹری اسد عمر کہتے ہیں فیصل واؤڈا کی پریس کانفرنس پارٹی پالیسی کیخلاف تھی۔

پاکستان تحریک انصاف کے رہنما اور سابق سینیٹر فیصل واوڈا نے بدھ کی رات ارشد شریف کے قتل سے متعلق پریس کانفرنس کی، جس میں کہا کہ ارشد شریف کے قتل کی سازش پاکستان میں ہوئی۔ ان کا کہنا تھا کہ پی ٹی آئی لانگ مارچ میں خون اور لاشیں دیکھ رہا ہوں۔

یہ بھی پڑھیں:

پاکستان تحریک انصاف کے سیکرٹری جنرل اسد عمر نے ٹوئٹر پیغام میں لکھا کہ فیصل واؤڈا کی پریس کانفرنس نہ تو تحریک انصاف کی پالیسی کی نمائندگی کرتی ہے اور نہ ہی یہ پارٹی کا مؤقف ہے۔

انہوں نے مزید کہا کہ پارٹی چئیرمین عمران خان کی ہدایت پر تحریک انصاف سندھ کے صدر کو ہدایت کی گئی ہے کہ فیصل واؤڈا کو شوکاز نوٹس جاری کیا جائے۔