گوگل نیوز پر ہمیں فالو کریںکابل: افغان دارالحکومت کابل میں سیکیورٹی فورسز کی جانب سے بڑی کارروائی کی گئی جس میں داعش کے 6 جنگجوؤں کو ہلاک کردیا گیا۔
بین الاقوامی خبر رساں ادارے کا اس حوالے سے کہنا ہے کہ کابل میں سیکیورٹی فورسز نے گزشتہ رات داعش کے خلاف آپریشن کیا تھا، ہلاک داعش جنگجو گزشتہ ہفتوں میں کابل میں دو بڑے حملوں میں ملوث تھے۔
طالبان حکام کے مطابق داعش کے خلاف آپریشن میں سیکیورٹی فورسز کا ایک اہلکار بھی ہلاک ہوا۔
مزید پڑھیں:میکسیکو سے اُڑان بھرنے والا طیارہ کوسٹاریکا کے قریب لاپتہ
میڈیا رپورٹس میں کہا گیا ہے کہ کابل میں 30ستمبر کو کاج انسٹیٹیوٹ پر حملے میں 53 افراد ہلاک ہوئے تھے۔اس کے علاوہ کابل میں 23 ستمبر کو وزیر اکبر خان مسجد پر حملے میں 7 افراد جاں بحق اور 40 زخمی ہوئے تھے۔
