گوگل نیوز پر ہمیں فالو کریںکراچی:کورنگی انڈسٹریل ایریا میں بینک سے نکلنے والے دو نوجوانوں نے ڈکیتی کی کوشش ناکام بنا دی اور دو ملزمان کو ان ہی کے پستول سے فائرنگ کرکے ہلاک کر دیا جبکہ مقابلے کے دوران بچائی گئی رقم شہری اٹھا کر رفو چکر ہوگئے۔
ایس ایس پی کورنگی فیصل بشیر میمن کے مطابق کورنگی انڈسٹریل ایریا میں واقع نجی بینک سے دو نوجوان ابرار اور فیضان 50 ہزار روپے نکلوا کر موٹر سائیکل پر گھر جا رہے تھے کہ ایک اور موٹر سائیکل پر سوار 2 ملزمان نے ان کا تعاقب کیا۔ ویران مقام پر روک کر ان سے رقم لوٹنے کی کوشش کی۔
پولیس کے مطابق اس دوران ایک نوجوان ابرار نے ملزم سے پستول چھین لیا اور اسی پستول سے فائرنگ کر کے دونوں ملزمان کو ہلاک کر دیا۔
عینی شاہدین کے مطابق اس دوران بینک سے نکلوائی گئی رقم سڑک پر گر گئی، مقابلے کے دوران تماشہ دیکھنے والے شہریوں میں سے کوئی رقم لے کر رفو چکر ہو گیا۔
مزید پڑھیں:کراچی میں میاں بیوی کو تیز دھار آلے سے قتل کردیا گیا
