ایشیا کپ میں روایتی حریف ایک بار پھر آمنے سامنے، پاک بھارت میچ آج ہوگا

دبئی: ایشیا کپ میں قومی کرکٹ ٹیم ہانگ کانگ سے تاریخی فتح حاصل کرنے کے بعد جیت کیلئے پر عزم ہے، پاکستان اور بھارت کے مابین ایک بار پھر مقابلہ ہوگا۔

تفصیلات کے مطابق گزشتہ میچ میں بھارت نے سخت مقابلے کے بعد پاکستان کو ہرانے میں کامیابی حاصل کی۔ دبئی کے انٹرنیشنل کرکٹ اسٹیڈیم میں ایک بار پھر پاکستان اور بھارت کا مقابلہ ہوگا۔ قومی ٹیم شاہین آفریدی کے علاوہ شاہنواز دھانی سے بھی محروم ہے۔

یہ بھی پڑھیں:

ایشیاکپ سپرفور مرحلہ: سری لنکا نے افغانستان کو 4 وکٹوں سے شکست دیدی

حال ہی میں شاہنواز دہانی اَن فٹ ہو کر ٹی ٹوئنٹی اسکواڈ سے الگ ہو گئے۔ قومی ٹیم کے ترجمان کا کہنا ہے کہ شاہنواز دھانی سائیڈ اسٹرین انجری کا سامنا کر رہے ہیں تاہم ہانگ کانگ سے فتح کے بعد قومی ٹیم بھارت کے خلاف شاندار کھیل کیلئے تیار ہوگئی۔

ومی کرکٹ ٹیم کے فاسٹ بولر حارث رؤوف کا کہنا ہے کہ ایشیا کپ سپر 4 مرحلے میں ہماری کوشش ہوگی کہ بھارتی مڈل آرڈر کے بیٹرز سوریا کمار یادیو اور ہاردک پانڈیا کو جلدی پویلین بھیج دیں جبکہ بھارتی کھلاڑی سوریا کمار اچھی فارم کے ساتھ کھیل رہے ہیں۔

میڈیا سے اپنی حالیہ گفتگو کے دوران حارث رؤوف کا کہنا تھا کہ سپر 4 میچ میں قومی ٹیم کی کوشش ہوگی کہ دیگر بھارتی بیٹرز کی کمزوریوں سے بھی فائدہ اٹھائیں۔ اچھا کھیل پیش کرنے اور جیتنے کی بھرپور کوشش کی جائے گی۔ ہانگ کانگ والا مومنٹیم برقرار رکھنا چاہتے ہیں۔