مایا علی ڈرامہ سیریل یونہی میں بلال اشرف کے مقابل نظر آئینگی

پاکستان کے معروف اداکار بلال اشرف اور باصلاحیت اداکارہ مایا علی بہت جلد ڈرامہ سیریل یونہی میں ایک ساتھ نظر آئینگے۔

بلال اشرف نے فلم جانان سےا داکاری کا آغاز کیا تھا ، اُس کے بعد وہ ایک تھی نگار میں نظر آئے جس میں اُن کے مقابل ماہرہ خان تھیں۔

دوسری جانب اداکارہ مایا علی نے اے آر وائی پر نشر ہونے والے ’پہلی سی محبت‘ سے ٹیلی ویژن پر واپسی کی تھی۔

ایم ڈی پروڈکشنز کی طرف سے تیار کردہ، ڈرامہ سیریل یونہی ہم ٹی وی پر نشر کیا جائے گا، اس کے ہدایت کار احتشام الدین ہیں۔

قبل ازیں ایک انٹرویو میں مایا علی نے کہاتھا کہ وہ صرف یہ چاہتی ہیں کہ ان کے قریبی خاندان کے افراد اور دوست ان کی شادی کا حصہ بنیں۔