گوگل نیوز پر ہمیں فالو کریںاسٹاک ہوم: سویڈن میں تعلیم دینے والے بھارتی پروفیسر اشوک سوائن نے پاکستان کے سابق وزیر اعظم کی ممکنہ گرفتاری کے خلاف پیشگوئی کرتے ہوئے کہا ہے کہ اگر عمران خان کو گرفتار کیا جاتا ہے تو ان کی شہرت بڑھ جائے گی۔
سماجی رابطے کی ویب سائٹ ٹوئٹر پر اپنے پیغام میں گزشتہ روز پروفیسر اشوک سوائن نے کہا کہ عمران خان پاکستان میں بے حد مشہور ہیں جبکہ کسی بھی سیاسی رہنما کو شکست دینی ہو تو سیاسی راستہ ہی اختیار کرنا پڑتا ہے۔
عمران خان کی عدالت میں پیشی، گرفتاری کا خدشہ
ٹوئٹر پیغام میں بھارتی پروفیسر اشوک سوائن نے کہا کہ سیاسی رہنما کو ہرانے کیلئے سیاسی مخالفین سامنے آتے ہیں لیکن اس کیلئے اسٹیبلشمنٹ کی مدد لے کر اسے خاموش کرنا یا گرفتاری کوئی قابلِ عمل حل نہیں ہے۔
سویڈن کی اپسالہ یونیورسٹی میں امن و جنگ کا مضمون پڑھانے والے بھارتی پروفیسر اشوک سوائن نے کہا کہ موجودہ حکومت کی جانب سے عمران خان کے خلاف انتقامی کارروائیاں عمران خان کی شہرت میں اضافے اور ملک کی مزید تقسیم کا باعث بنیں گی۔
Imran Khan is highly popular in Pakistan. A political leader must be defeated politically by his political opponents, not with the establishment's help, silencing or arresting him. These vindictive actions add more to Imran Khan's popularity & divide the country further.
— Ashok (@ashoswai) August 23, 2022
خیال رہے کہ اس سے قبل چیئرمین پی ٹی آئی عمران خان نے وفاقی دارالحکومت اسلام آباد کی جانب مارچ کا فیصلہ کیا، ہائیکورٹ کے فیصلے کے تحت ملک کے سابق وزیر اعظم کی عدالت میں پیشی بھی آج ہی متوقع ہے۔ حکومت نے ضمانت منظور نہ ہونے کی صورت میں عمران خان کی گرفتاری کا عندیہ دے دیا۔
سابق وزیر اعظم عمران خان آج دہشت گردی کے الزام کے تحت درج کیے گئے مقدمے کی سماعت کیلئے عدالت میں پیش ہو کر ضمانت کی درخواست کریں گے۔ اے ٹی سی کورٹ میں سکیورٹی کے سخت انتظامات کیے گئے ہیں۔
