پاکستان میں کورونا کے 449 نئے کیسز رپورٹ، 2 مزید شہری جاں بحق

اسلام آباد: ملک بھر میں کورونا کے 449 نئے کیسز رپورٹ ہوئے ہیں جبکہ گزشتہ 24 گھنٹوں کے دوران وائرس کے باعث 2 مزید شہری جاں بحق ہو گئے۔

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 65 ہزار 768 افراد کوروناسے متاثر جبکہ 30 ہزار 550 وائرس کے باعث جاں بحق ہوئے۔ شرحِ اموات 2 فیصد پر برقرار ہے۔

COVID-19 Statistics 20 August 2022
Total Tests in Last 24 Hours: 17,872
Positive Cases: 449
Positivity %: 2.51%
Deaths: 02
Patients on Critical Care: 158

— NIH Pakistan (@NIH_Pakistan) August 20, 2022

گزشتہ 24 گھنٹوں کے دوران کورونا کی تشخیص کیلئے 17ہزار 872 ٹیسٹ کیے گئے جبکہ مثبت کیسز کا تناسب 2.50 فیصد رہا۔ ٹیسٹس کی مجموعی تعداد 2 کروڑ 99 لاکھ 23 ہزار 776 ہوگئی جبکہ کورونا کے 158 مریض انتہائی نگہداشت میں ہیں۔

یہ بھی پڑھیں:

شوگر کے متعلق سائنسدانوں کی نئی تحقیق سامنے آگئی

مختلف علاقوں میں سیلاب، دریائے سندھ کا حفاظتی بند ٹوٹ گیا

گزشتہ روز تک کے اعدادوشمار کے مطابق 1 روزکے دوران 371 مریضوں نے کورونا کو شکست دے دی جس سے صحتیاب افراد کی تعداد 15 لاکھ 24 ہزار746 تک جا پہنچی جبکہ فعال کیسز9 ہزار 519 ہو گئے۔ وائرس سے سب سے زیادہ پنجاب اور سندھ متاثر ہوئے۔

سندھ میں کورونا سے 5لاکھ 92 ہزار 654افراد متاثر جبکہ 8 ہزار 217جاں بحق ہوئے۔ پنجاب میں 5لاکھ 18 ہزار 993شہری متاثر جبکہ 13 ہزار 595 جان کی بازی ہار گئے۔ وائرس سے متاثرہ تیسرا سب سے بڑا صوبہ خیبر پختونخوا رہا۔

خیبر پختونخوا میں کورونا سے 2لاکھ 22 ہزار650 افراد متاثر جبکہ 6 ہزار 340جاں بحق ہوئے۔ اسلام آباد میں 1 لاکھ 38ہزار560افراد کورونا سے متاثر جبکہ 1 ہزار 30جاں بحق ہوئے۔ آزاد کشمیر میں 44 ہزار 71کورونا کیسز رپورٹ ہوئے۔

آزاد جموں و کشمیر میں وائرس کے باعث 793افراد انتقال کر گئے۔ بلوچستان میں 35 ہزار905 شہری کورونا سے متاثر جبکہ 378 جان کی بازی ہار گئے۔ گلگت بلتستان میں 11ہزار 976افراد کورونا سے متاثر جبکہ 191 جاں بحق ہو گئے۔