بلوچستان میں سیلابی صورتحال، متاثرین حکومتی امداد کے منتظر

بلوچستان میں سیلابی صورتحال کے بعد نظام تہس نہس ہوچکا ہے، جبکہ حکومتی دعوے دھرے کے دھرے ہیں۔

سیلاب زدگان حکومتی امداد کے منتظر اس امید میں ہیں کہ انہیں صاف پانی ہی میسر ہوجائے۔

بلوچستان کے ضلع قلعہ سیف اللہ کے دور افتادہ پہاڑی علاقے پر واقع بستی مارپال کے شہری ایک ہفتے سے محصور  ہیں جہاں کے راستے اب تک بحال نہیں ہو سکے ہیں۔

متاثرین کی جانب سے حکومت اور مقامی انتظامیہ سے کھانے کی اشیاء، پینے کے لیے پانی کی فراہمی اور  راستے کھولنے کا مطالبہ کیا جا رہا ہے۔