شعیب اختر کی مداحوں سے کامیاب سرجری کیلئے دعاؤں کی اپیل

سڈنی: پاکستان کرکٹ ٹیم کے سابق بولر شعیب اختر کو گھٹنے کے آپریشن کیلئے اسپتال میں داخل کرلیا گیا ہے۔

حال ہی میں فوٹو اینڈ ویڈیو شیئرنگ ایپ انسٹاگرام پر شعیب اختر نے ایک ویڈیو شیئر کی، جس میں انہوں نے کہا کہ میرا 8 گھنٹے کا طویل آپریشن ہوگا، جس کیلئے دعاؤں کی سخت ضرورت ہے۔

 

View this post on Instagram

 

A post shared by Shoaib Akhtar (@imshoaibakhtar)

انہوں نے کہا کہ مجھے امید ہے یہ میری آخری سرجری ہوگی، اس سے قبل میرے گھٹنے کے پانچ آپریشن ہوچکے ہیں۔

یہ بھی پڑھیں:

کامن ویلتھ گیمز 2022، پاکستانی ریسلرزمان انور نے سلور میڈل حاصل کرلیا

شعیب اختر کا کہنا تھا کہ میں یہاں پر ایک بات کہنا چاہوں گا کہ میں نے پاکستان کیلئے ایک بولر کے طور پر کھیلا، جس پر مجھے فخر ہے لیکن یہ سرجری کروانی پڑے گی اور مجھے مکمل صحتیاب ہونے اور درد ختم ہونےمیں تقریباََ دو سے تین ہفتے درکار ہونگے۔

سوشل میڈیا پر جاری کیے گئے ویڈیو پیغام میں سابق کھلاڑی نے اپنے مداحوں سے دعاؤں کی بھی اپیل کی۔

معلوم رہے کہ شعیب اختر کے گھٹنوں کے ٹشوز اور ہڈیاں متاثر ہوئی ہیں جس کے بارے میں وہ پہلے بھی اپنے سوشل میڈیا اکاؤنٹ پر بتاتے رہے ہیں۔