بہت جلد چھری کے نیچے جانے والا ہوں، شعیب اختر کی ٹوئٹ پر مداح پریشان

قومی ٹیم کے سابق فاسٹ بولر شعیب اختر کی جانب سے سوشل میڈیا پر جاری کیے جانے والے ایک بیان نے ان کے مداحوں کوکشمکش میں مبتلا کردیا۔

سابق فاسٹ بولر نے ٹوئٹ کرتے ہوئے لکھا کہ آسٹریلیا کی یہ خوبصورت صبح، خود کو چند روز میں چھری کے نیچے جانے کے لیے تیار کر رہا ہوں، اس وقت تک سڈنی میں خوبصورت وقت گزار رہا ہوں، آسٹریلیا میں پہلے بھی بہت اچھا وقت گزار چکا ہوں۔

These lovely mornings down under. Getting myself ready to go under the knife in a few days. Meanwhile having a good time in Sydney. Have had some great times in Australia. pic.twitter.com/PB0oUwBpm4

— Shoaib Akhtar (@shoaib100mph) July 29, 2022

راولپنڈی ایکسپریس کے اس ٹوئٹ نے ان کے مداحوں کو تذبذب میں ڈال دیا تھا تاہم شعیب اختر کی جانب سے اس ٹوئٹ کے ساتھ ایک ویڈیو بھی ڈالی گئی جس سے ان کے مداحوں کی جان میں جان آگئی۔

انہوں نے ویڈیو بیان میں اپنی طبیعت سے متعلق پوچھنے والوں کا شکریہ ادا کرتے ہوئے کہا کہ میری سرجری کے لیے دعا کریں، امید ہے کہ جلد ٹھیک ہو جاؤں گا۔

سابق فاسٹ بولر نے اپنی رہائشگاہ سے سڈنی شہر کا خوبصورت نظارہ کرواتے ہوئے کہا کہ صبح جلدی اٹھ گیا تھا اس لیے ویڈیو بنا لی، انہوں نے اپنے اپارٹمنٹ کا نظارہ بھی کروایا۔جوانتہائی شاندار تھا۔