ایران کا عالمی جوہری توانائی ایجنسی کے کیمروں کو معاہدے کی بحالی تک بند رکھنے کا فیصلہ

ایران نے عالمی جوہری توانائی ایجنسی کے کیمروں کو جوہری معاہدے کی بحالی تک بند رکھنے کا فیصلہ کیا ہے۔

خبر رساں ادارے کی رپورٹ کے مطابق ایرانی جوہری توانائی ایجنسی نے فیصلہ کیا ہے کہ جوہری معاہدے کی بحالی تک عالمی جوہری توانائی ایجنسی کے کیمروں کو نہیں کھولا جائے گا۔

ایرانی جوہری توانائی ایجنسی کے مطابق عالمی جوہری توانائی ایجنسی کے کیمروں کی تنصیب جوہری معاہدے سے وابستہ ہے۔

ایجنسی کا کہنا ہے کہ مغربی ممالک کے جوہری معاہدے میں واپس آنے پر کیمروں سے متعلق فیصلہ کریں گے۔

واضح رہے کہ ایران نے اپنی جوہری تنصیبات میں نصب اقوامِ متحدہ کی ایجنسی کے کیمروں کو جون میں بند کر دیا تھا۔