لاہور میں چینی خاتون اپنے ہی سیکورٹی گارڈز کے ہاتھوں لُٹ گئی

لاہور: ڈیفنس پولیس نے چینی خاتون کے دو پرائیویٹ سیکیورٹی گارڈز کو ان سے دو لاکھ روپے نقدی اور موٹرسائیکل لوٹنے پر گرفتار کر لیا۔

ذرائع کے مطابق ملزمان کی شناخت اسامہ اور جواد کے نام سے ہوئی ہے، پولیس نے خاتون کی شکایت پر ان کے خلاف مقدمہ درج کیا، چینی خاتون کا نام جی ژیو جین ہے۔

ایف آئی آر کے متن کے مطابق ڈی ایچ اے کے فیز IV میں خاتون کی رہائش گاہ پر نجی کمپنی کے گارڈز تعینات تھے۔

اتوار کو مسلح ملزمان نے اپنی چینی ملازم خاتون کو بندوق کی نوک پر یرغمال بنایا، اس کے بازو اور ٹانگیں باندھ کر اس کے گھر سے نقدی چھین کر لے گئے۔

مزید پڑھیں:دعا زہرا کو کراچی کے چائلڈ پروٹیکشن بیورو میں منتقل کردیا گیا

ایک پولیس اہلکار نے بتایا کہ ملزمان نے اس کی موٹرسائیکل بھی چھین لی اور اسے ایک کمرے میں بند کر دیا۔ انہوں نے مزید کہا کہ پولیس نے گھنٹوں میں دونوں ملزمان کو ٹریس کرکے گرفتار کرلیا۔