گوگل نیوز پر ہمیں فالو کریںاسلام آباد: اے این ایف کی اسلام آباد میں چار کارروائیوں کے دوران 4 ملزمان کو گرفتار کرلیا گیا، ملزمان کے قبضے سے مجموعی طور پر 40 کلو 750 گرام منشیات برآمد کی گئی۔
ذرائع کے مطابق برآمدشدہ منشیات میں 2 کلوگرام آئس، 2 کلو 500 گرام ہیروئن اور 36 کلو 250گرام چرس شامل ہے۔
اس کے علاوہ موٹروے ٹول پلازہ اسلام آباد کے قریب ٹیوٹا کار کے خفیہ خانوں سے 36 کلو گرام چرس برآمد کی گئی، کارروائی کے دوران خیبر کا رہائشی اسماعیل نامی ملزم گرفتار کرلیا گیا۔
جبکہ غوری ٹاؤن میں موٹرسائیکل سوار ملزم ذوہیب کے قبضے سے 250 گرام چرس برآمد ہوئی، ضیاء مسجد کے قریب کار میں سوار ملزم شاہزیب سے 2 کلو گرام آئس برآمدکرلی گئی۔
سرینگر ہائی وے پرکارروائی کے دوران کار سے ڈھائی کلو گرام ہیروئن برآمدکرلی گئی، گاڑی میں سوار محمد کامران نامی ملزم کو گرفتار کر لیا گیا۔
مزید پڑھیں:راولپنڈی،زمین کے تنازعے پر فائرنگ سے 2افراد جاں بحق
