عالمی برادری ڈس انفارمیشن روکنے کیلئے اپنا کردار ادا کرے۔وزیرِ خارجہ

اسلام آباد: وزیرِ خارجہ بلاول بھٹو زرداری نے کہا ہے کہ عالمی برادری کو ڈس انفارمیشن روکنے کیلئے اپنا کردار ادا کرنا ہوگا تاکہ ٖغلط معلومات پر عوام کی شعور و آگہی بڑھ سکے، سماجی مزاحمت اور لچک پیدا ہوسکے۔

جمعرات کے روز انسانی حقوق اور بنیادی آزادیوں کے فروغ و تحفظ کیلئے ڈس انفارمیشن روکنے سے متعلق گروپ آف فرینڈز کے اجلاس سے خطاب کے دوران بلاول بھٹو نے کہا کہ عالمی برادری غلط معلومات کا پتہ چلائے۔

یہ بھی پڑھیں:

وزیر اعظم شہباز شریف ایک روزہ دورے کیلئے گوادر آج پہنچیں گے

خطاب کے دوران وزیرِ خارجہ بلاول بھٹو زرداری نے کہا کہ غلط معلومات کا راز فاش کرنے کیلئے حکومتوں اور متعلقہ اداروں کی صلاحیتوں میں اضافہ کرنے کی ضرورت ہے۔ اقوامِ متحدہ اور ماتحت اداروں کو رکن ممالک کی مدد کرنا ہوگی۔

وزیرِ خارجہ بلاول بھٹو زرداری نے کہا کہ قومی و بین الاقوامی محققین اور ادارے مالی اور تکنیکی مدد فراہم کریں اور ان عناصر کا پتہ چلایا جائے جو غلط معلومات پھیلانے میں ملوث ہیں۔ اقوامِ متحدہ کا محکمۂ اطلاعات اس سلسلے میں اہم کردار ادا کرسکتا ہے۔

انہوں نے کہا کہ ٹھوس عالمی کوششیں ڈس انفارمیشن نیٹ ورک کو بے نقاب اور ختم کرنے میں معاون ثابت ہوں گی۔ اقوامِ متحدہ کا انسانی حقوق سے متعلقہ ادارہ غلط معلومات کے منفی اثرات اجاگر کرے۔