بلوچستان اسمبلی کا اجلاس ری شیڈول، بجٹ کل پیش کیا جائے گا

کوئٹہ: بلوچستان اسمبلی کا بجٹ اجلاس ری شیڈول کردیا گیا، کل منگل کو پیش کیا جائے گا۔

تفصیلات کے مطابق بلوچستان اسمبلی میں آج پیش کیے جانے والا بجٹ اجلاس ری شیڈول کردیا گیا ہے، بتایا جارہا ہے کہ یہ اجلاس وزیراعلیٰ کی بی اے پی کونسل میں سیشن کے باعث مؤخر کیا گیا ہے۔

یہ بھی پڑھیں:

بلوچستان بلدیاتی انتخابات، جے یو آئی سب سے زیادہ نشستیں جیتنے میں کامیاب

پنجاب کا 3 ہزار 226 ارب کا بجٹ پیش کر دیا گیا

بجٹ اجلاس کے بارے میں وزیرِ خزانہ بلوچستان کا کہنا ہے کہ صوبے کے 65حلقوں کو برابری کی بنیاد پر فنڈز دئیے جائیں گے۔ واضح رہے کہ بلوچستان سے قبل صوبہ پنجاب کا 3 ہزار 226 ارب روپے کا بجٹ آج سے 5 روز قبل جبکہ سندھ کا 1713ارب کا بجٹ 6روز قبل پیش کیا گیا۔

قبل ازیں بلوچستان کے 32 اضلاع میں پولنگ کا آغاز 29 مئی کو ہوا۔ اگلے روز بلدیاتی انتخابات کے نتائج سامنے آئے جس میں جمعیت علمائے اسلام سب سے زیادہ نشستیں جیتنے میں کامیاب رہی۔ زیادہ تر نشستوں پر آزاد امیدواروں نے میدان مار لیا۔

خیال رہے کہ گورنر پنجاب کی جانب سے طلب کردہ صوبائی اسمبلی کے اجلاس میں پنجاب کا 3 ہزار 226 ارب کا بجٹ پیش کر دیا گیا، کوئی نیا ٹیکس عائد نہیں کیا گیا،آمدن کا تخمینہ 2 ہزار 329 ارب روپے رکھا گیا تھا۔

ڈپٹی سپیکر دوست محمد مزاری کی سربراہی میں ایوان اقبال لاہور میں پنجاب اسمبلی کا اجلاس 15 جون کو منعقد ہوا جس میں صوبائی وزیر اویس خان لغاری نے آئندہ مالی سال کا بجٹ پیش کردیا۔