اسلام آباد:NUSTیونیورسٹی کے نزدیک آگ بھڑک اُٹھی

اسلام آباد: نیشنل یونیورسٹی آف سائنس اینڈ ٹیکنالوجی (نسٹ) اسلام آباد کے قریب گرین بیلٹ میں منگل کو زبردست آگ بھڑک اٹھی۔

تفصیلات کے مطابق سری نگر ہائی وے کے قریب NUST، اسلام آباد کے H-12 کیمپس کے گرد گرین بیلٹ میں آگ بھڑک اٹھی۔ صورتحال قابو میں ہے اور کیمپس کے قریب آگ سے کسی جانی نقصان کی کوئی اطلاع نہیں ہے۔

The hiking trail/thin forest surrounding #NUST University on fire. ????

???? @daactarrsaab https://t.co/h7opSSW79q pic.twitter.com/3PaOttMrqF

— Islamabadian (@Islaamabad) June 7, 2022

عینی شاہدین کے مطابق آگ جھاڑیوں میں لگی اور تیزی سے پورے علاقے میں پھیل رہی ہے۔ علاقے سے دھوئیں کے گہرے بادل اٹھتے دیکھے جا سکتے ہیں۔ علاقے کے لوگوں نے آگ لگنے کی تصاویر اور ویڈیوز شیئر کی ہیں۔

وزیراعظم شہباز شریف نے منگل کو دارالحکومت کے سیکٹر H-12 میں جنگل میں لگنے والی آگ کا نوٹس لیتے ہوئے کیپٹل ڈویلپمنٹ اتھارٹی (سی ڈی اے) کو ہنگامی اقدامات کرنے کی ہدایت کی۔

وزیراعظم نے متاثرہ علاقے سے لوگوں کو نکالنے کے لیے فوری اقدامات پر زور دیا۔ انہوں نے آگ بجھانے کے لیے فائر بریگیڈ کو فوری طور پر متحرک کرنے کی ہدایت کی۔

انہوں نے وزارت موسمیاتی تبدیلی پر بھی زور دیا کہ وہ مستقبل میں اسلام آباد اور مارگلہ کی پہاڑیوں میں ایسے واقعات کی روک تھام کے لیے ایک جامع حکمت عملی پیش کرے۔