ڈرامہ وزیراعلیٰ کی ڈرامہ بازیاں جاری ہیں، عمران اسماعیل

پاکستان تحریک انصاف کے رہنما عمران اسماعیل نے کہا ہے کہ ڈرامہ وزیراعلیٰ کی ڈرامہ بازیاں جاری ہیں۔

سماجی رابطے کی ویب سائٹ ٹویٹر پر اپنے جاری کردہ ٹویٹ پیغام میں عمران اسماعیل کا کہنا ہے کہ ڈرامہ وزیراعلیٰ کی ڈرامہ بازیاں جاری ہیں،  کبھی ہوٹل میں، کبھی زبردستی گورنر ہاؤس میں حلف برداری ہوئی۔

ڈرامہ وزیر اعلی کی ڈرامہ بازیاں جاری- کبھی ہوٹل میں کبھی زبردستی گورنر ہاؤس میں حلف برداری – یہ لوگ اقتدار کے لیے کچھ بھی کرسکتے ہیں- اعلی عدالتوں کو اس موقعے پر نوٹس لینا چاہیے- پنجاب میں ہارس ٹریڈنگ ہوئ کھلم کھلا بولی لگی اور ارکان بِکے- تماشہ لگا ہوا ہے- #امپورٹڈ_حکومت_نامنظور

— Imran Ismail (@ImranIsmailPTI) April 30, 2022

عمران اسماعیل نے کہا کہ یہ لوگ اقتدار کے لیے کچھ بھی کرسکتے ہیں، اعلی عدالتوں کو اس موقعے پر نوٹس لینا چاہیے، اُن کا مزید کہنا تھا کہ پنجاب میں ہارس ٹریڈنگ ہوئی، کھلم کھلا بولی لگی اور ارکان بِکے۔

یہ بھی پڑھیں: حمزہ شہباز نے بطور وزیراعلیٰ پنجاب حلف اٹھالیا

 خیال رہے کہ نومنتخب وزیراعلیٰ پنجاب، حمزہ شہباز شریف نے آج عہدے کا حلف اٹھالیا ہے، اُن کی حلف برداری کی تقریب آج گورنر ہاؤس میں منعقد ہوئی جس دوران اسپیکر قومی اسمبلی  راجہ پرویز اشرف نے ان سے حلف لیا۔

حمزہ شہباز کی حلف برداری کی تقریب کے موقع پر سیکیورٹی کے سخت انتظامات کیے گئے تھے جبکہ گورنر ہاؤس کو سیل کر دیا گیا تھا۔