گوگل نیوز پر ہمیں فالو کریںاسلام آباد:نئے حکومتی ضوابط کے مطابق اسٹیٹ بینک آف پاکستان نے ہفتے میں اپنے کام کے دنوں کو پانچ سے بڑھا کر 6 دن کر دیا ہے۔
اسٹیٹ بینک انتظامیہ کی جانب سے رمضان کے مہینے کے لیے دفتری اور کاروباری اوقات میں بھی تبدیلی کی گئی ہے۔
ذرائع کا کہنا ہے کہ دوسرے تمام بینکوں، ترقیاتی مالیاتی اداروں اور مائیکرو فنانس بینکوں کی طرف سے بھی ان اوقات کی پیروی کی جائے گی۔
اسٹیٹ بینک نے بینکوں اور ایم ایف بیز کو یہ بھی مشورہ دیا ہے کہ وہ پیر سے جمعرات اور ہفتہ تک بغیر وقفے کے صبح 8 بجے سے دوپہر 1 بجے تک پبلک ڈیلنگ کیلئے کم سے کم کاروباری بینکنگ اوقات کا مشاہدہ کریں اور جمعہ کا وقت بغیر وقفے کے صبح 8 بجے سے دوپہر 12 بجے تک ہوگا۔
تاہم، جمعہ کے علاوہ ادارے اپنی کاروباری ضروریات کے مطابق صبح 8 بجے سے دوپہر 2 بجے تک (بغیر وقفے کے) پبلک ڈیلنگ کیلئے توسیعی کاروباری (بینکنگ) اوقات دیکھ سکتے ہیں۔
یہ پیشرفت نو منتخب وزیر اعظم شہباز شریف کے حکم کے ایک دن بعد سامنے آئی ہے کہ سرکاری دفاتر ہفتے میں دو کے بجائے صرف ایک دن کے لیے بند رہیں گے۔
اسٹیٹ بینک نے کہا کہ نئے اوقات کار فوری طور پر نافذ العمل ہوں گے اور اس وقت تک برقرار رہیں گے جب تک کہ اس میں ترمیم نہیں کی جاتی یا واپس نہیں لی جاتی۔
مزید پڑھیں: پی ٹی آئی حکومت قائم رہتی تو سارے وعدے پورے ہوجاتے۔شوکت ترین
