فلموں میں ضرور کام کرونگی، سارہ خان کا اہم انکشاف

پاکستانی شوبز انڈسٹری کی خوبصورت و معروف اداکارہ سارہ خان نے فلموں میں کام کرنے کے بارے میں اپنی رائے بتادی۔

حال ہی میں اداکارہ نے ایک انٹرویو میں کہا کہ میری فلموں میں کام نہیں کرنے کی وجہ یہ ہے کہ میری کچھ حدود ہیں اور فلموں میں کسی قسم کی کوئی حدود نہیں ہوتی۔

اُن کا کہنا تھا کہ اب تک فلموں میں کام نہیں کرنے کی بڑی وجہ یہ بھی ہے کہ مجھے ڈانس بالکل نہیں آتا اور فلموں میں ڈانس کرنا ضروری ہوتا ہے، لیکن اب ایسا بھی نہیں ہے کہ میں فلموں میں کام نہیں کرونگی۔

یہ بھی پڑھیں:تصویری تجزیہ، جرجیس سیجا کی زیراہتمام سحری میں شوبز شخصیات کی شرکت

سارہ خان کا کہنا تھا کہ وہ فلموں میں ضرور کام کرینگی، مستقبل میں اگر کوئی اچھا پروجیکٹ ملا تو وہ اُس پر ضرور غور کرینگی۔

خیال رہے کہ آج کل اداکارہ سارہ خان کا ڈرامہ ‘ہم تم’ بہت مقبول ہورہا ہے جس میں اُن کی اداکاری کو خوب سراہا جارہا ہے، ڈرامے کی کاسٹ میں سارہ خان کے علاوہ احدرضا میر، رمشاخان اور جنید خان شامل ہیں۔