گوگل نیوز پر ہمیں فالو کریںاسلام آباد: پارلیمانی کمیٹی کی جانب سے جسٹس عائشہ ملک کو سپریم کورٹ کا جج مقرر کرنے کی منظوری دے دی گئی۔واضح رہے کہ جوڈیشل کمیشن نے جسٹس عائشہ ملک کو سپریم کورٹ میں جج مقرر کرنے کی سفارش کی تھی۔
ججز تقرری سے متعلق پارلیمانی کمیٹی کا اجلاس پی پی رہنما فاروق ایچ نائیک کی زیرصدارت ہوا جس میں کمیٹی نے جسٹس عائشہ ملک کو سپریم کورٹ کا جج مقررکرنے کی منظوری دی۔
فاروق ایچ نائیک نے اجلاس کی صدارت کرتے ہوئے کہا کہ جسٹس عائشہ ملک کے نام کی منظوری اتفاق رائے سے دی گئی ہے، ہم سنیارٹی کے طریقہ کار کو ختم نہیں کررہے۔
فاروق ایچ نائیک کا کہنا تھا کہ ایک خاتون کی پہلی بار تقرری ہورہی ہے تو اس کی منظوری دی ہے اور جسٹس عائشہ ملک کے نام کی منظوری ملکی مفاد میں دی۔
واضح رہے کہ جسٹس عائشہ اے ملک 1966ء کو پیدا ہوئیں، انہوں نے ابتدائی تعلیم پیرس، نیویارک اور پھر کراچی سے حاصل کی۔انہوں نے بی کام کراچی سے کیا اور لاہور سے ایل ایل بی کی ڈگری حاصل کی۔
انہوں نے ایل ایل ایم انہوں نے ہارورڈ لا سکول امریکا سے کیا، 55 سالہ جسٹس عائشہ ملک نے بطور جج لاہورہائیکورٹ عہدہ کا حلف 27 مارچ 2012ء کو اٹھایا تھا۔
مزید پڑھیں: سپریم کورٹ کیلئے نامزد پہلی خاتون جسٹس عائشہ ملک کون ہیں؟
