گوگل نیوز پر ہمیں فالو کریںآن لائن اسٹریمنگ پلیٹ فارم نیٹ فلکس پر دہشت کا راج قائم کرنے کیلئے 6 خوفناک فلمیں آئندہ ماہ جولائی کے دوران پیش کی جائیں گی۔
تفصیلات کے مطابق مافوق الفطرت بھوت کی کہانیاں، جسم پر کپکپی طاری کردینے والی خوفناک اور سنسنی خیز فلمیں ناظرین کیلئے تفریح کا بہترین ذریعہ سمجھی جاتی ہیں۔ بعض ماہرینِ نفسیات کا کہنا ہے کہ خوف و دہشت کی حس کو فلموں سے تقویت ملتی ہے۔
آئندہ ماہ جولائی کے دوران نیٹ فلکس پر کچھ نئی خوفناک فلمیں پیش کی جایئں گی جن میں فیئر اسٹریٹ ٹرائلوجی سمیت دیگر فلمیں شامل ہیں اور نیٹ فلکس کا دعویٰ ہے کہ یہ مافوق الفطرت فلمیں فلم بینوں پر کپکپی طاری کردیں گی۔ فلموں کی تفصیلات حسبِ ذیل ہیں۔
فیئر اسٹریٹ ٹرائلوجی
آر ایل اسٹائن کی فیئر اسٹریٹ کہانیوں پر مشتمل فلم فیئر اسٹریٹ ٹرائلوجی 3 حصوں میں نیٹ فلکس پر پیش کی جائے گی۔ فلموں کا عنوان اس سال پر مبنی ہے جس کا تعلق ان میں پیش کی جانے والی کہانی سے ہے۔
کراؤل
کراؤل کا مطلب رینگنا ہے جو 2019ء میں پیش کی گئی امریکی فطری خوف و دہشت پر مبنی فلم ہے جس کی ہدایات الیگزینڈر آجا نے دی ہیں اور اسکرپٹ مائیکل اور شان راسموسن نامی دو بھائیوں نے تحریر کیا۔ فلم 4 جولائی کے روز پیش کی جائے گی۔
دی ایگزورسسٹ
امریکی خوفناک فلم ایگزوسسٹ وہ پیشکش ہے جس نے دنیا بھر میں باکس آفس پر 66 کروڑ 10 لاکھ ڈالر اپنی ریلیز پر ہی کما لیے تھے جو یکم جولائی کے روز نیٹ فلکس پر پیش ہوگی۔
دی ایٹتھ نائٹ
جنوبی کوریا کی مسٹری تھرلر فلم ایٹتھ نائٹ کی ہدایات کم ٹائے ینگ نے دی ہیں جو جی او ایم کے پلیٹ فارم سے پیش کی گئی۔ نیٹ فلکس 2 جولائی کے روز یہ فلم پیش کرنے کا ارادہ رکھتا ہے جو 190 ممالک میں مشترکہ طور پر نشر کی جائے گی۔
دی ریپنگ
نفسیاتی و ٖخوفناک سنسنی خیز فلم دی ریپنگ میں ہیلری سوینک نے مرکزی کردار ادا کیا ہے۔ نیٹ فلکس پر یہ فلم جمعرات کے روز یعنی یکم جولائی کو پیش کی جائے گی۔
اے کلاسک ہارر اسٹوری
اٹلی کی خوفناک فلم اے کلاسک ہارر اسٹوری میں مٹلڈا لٹز، ول میرک، یولیا سوبول، جسٹن کوروکن، پیپینو مزوٹا، کرسٹینا ڈوناڈیو، فرانسسکو روسو اور الیدا بلداری کیلبریا نے اہم کردار نبھائے ہیں۔ یہ فلم 14 جولائی کے روز نیٹ فلکس پر نشر کی جائے گی۔
یہ بھی پڑھیں: مریم نفیس نے چند گھنٹے ملاقات کیلئے لاکھوں کی پیشکش ٹھکرادی
