گوگل نیوز پر ہمیں فالو کریںراولپنڈی: بلوچستان کے علاقے سبی میں فرنٹیئرکور کی پٹرولنگ پارٹی پر حملہ دہشت گردوں کے حملے میں 5 جوان شہید جبکہ فائرنگ کے تبادلے میں دہشت گردوں کا بھاری جانی ومالی نقصان ہوا ہے۔
آئی ایس پی آر کے مطابق سبی میں فرنٹیئرکور کی پٹرولنگ پارٹی پر حملے میں ایف سی کے 5 جوان شہیدہوگئے،شہید ہونیوالوں میں حوالدار ظفر علی خان، لانس نائیک ہدایت اللہ ،لانس نائیک ناصر عباس، بشیر احمد اورسپاہی نوراللہ شامل ہیں ،فائرنگ کے تبادلے میں دہشت گردوں کا بھاری جانی ومالی نقصان ہوا ہے اورعلاقے میں سرچ آپریشن جاری ہے۔
آئی ایس پی آر کاکہنا ہے کہ چند عناصر دشمن انٹیلی جنس ایجنسیوں کی مدد سے بزدلانہ اقدامات کر رہے ہیں،بلوچستان کا امن ایسے عناصر کے ہاتھوں سبوتاژ نہیں ہونے دیا جائے گا،سیکورٹی فورسزجان کی قربانی دے کر دشمنوں کے عزائم ناکام بنائیں گے۔
مزید پڑھیں: لاہور دھماکہ، دہشت گردوں کو دوبارہ موقع نہیں ملنا چاہیے
