گوگل نیوز پر ہمیں فالو کریںراولپنڈی میں گاڑی اور کار کے مابین تصادم کے نتیجے میں 1 خاتون اور 2 بچیوں سمیت 4 افراد جاں بحق ہو گئے ہیں۔
تفصیلات کے مطابق یہ افسوسناک حادثہ گوجر خان جی ٹی روڈ پر پیش آیا جہاں تیز رفتار گاڑی اور کار کے درمیان تصادم کے نتیجے میں 4 افراد جاں بحق جبکہ 5 زخمی ہوئے۔
ریسکیو ذرائع کے مطابق جاں بحق ہونے والوں میں ایک خاتون اور 2 بچیاں بھی شامل ہیں۔ زخمیوں کو طبی امداد کیلئے ہسپتال منتقل کردیا گیا ہے۔
یاد رہے کہ اِس سے قبل سہون شریف میں ٹرک اور کار کے مابین تصادم کے نتیجے میں ایک خاتون اور بچی سمیت 4 افراد جاں بحق ہو گئے تھے۔
جھانگارا لنک روڈ پر12 روز قبل پیش آنے والے حادثے میں لال باغ کے قریب سہون شریف سے جھانگارا جانے والی کار تصادم کا شکار ہوئی۔ ٹرک کا کار سے زوردار تصادم ہوا جس کے نتیجے میں 4 افراد موقعے پر جاں بحق ہوگئے۔
مزید پڑھیں: سہون شریف، لنک روڈ پر ٹرک اور کار کا تصادم، خاتون سمیت 4افراد جاں بحق
