کراچی، کورنگی میں فائرنگ سے 3افراد زخمی ہو گئے، ملزمان گرفتار

شہرِ قائد کے علاقے کورنگی میں فائرنگ کے نتیجے میں 3 افراد زخمی ہو گئے ہیں، پولیس نے 2 ملزمان کو گرفتار کر لیا۔

تفصیلات کے مطابق  یہ افسوسناک واقعہ کراچی کے علاقے کورنگی میں پیش آیا جہاں چکرا گوٹھ میں ہونےو الی فائرنگ کے نتیجے میں 3 افراد زخمی ہوئے۔

یہ بھی پڑھیں:

ساحل سمندر پر غیر ملکی یوٹیوبر کو لوٹنے والا شخص کراچی سے گرفتار

کراچی پولیس کاکہنا ہے کہ دو مذہبی جماعتوں کے کارکنان کےمابین پوسٹر لگانے پر جھگڑا ہوا تاہم علاقہ مکینوں اور پولیس کی مداخلت سے معاملہ رفع دفع ہوگیا۔

صلح کے بعد کارکنان تو چلے گئے، تاہم کچھ دیگر لوگوں نے آ کر فائرنگ شروع کردی جس کے نتیجے میں قریب موجود 3 لڑکے زخمی ہوئے جو پکنک منانے جارہے تھے۔

فائرنگ کے الزام میں پولیس نے 2 ملزمان کو گرفتار کرلیا۔ قبل ازیں پولیس مقابلوں کے دوران مختلف وارداتوں میں مطلوب 5 ڈاکوؤں کو گرفتار بھی کیا گیا۔مقدمات درج کر لیے گئے ہیں۔

یاد رہے کہ اس سے قبل پولیس نے  کراچی کے ساحل سمندر پر غیر ملکی یوٹیوبر و سیاح سے بد تمیزی اور لوٹنے والے شخص کو شیریں جناح کالونی سے گرفتار کرلیا۔

 پولیس نے 3 روز قبل غیر ملکی یوٹیوبر سے بدتمیزی اور زائد پیسے مانگنے والے گھوڑے کے مالک کو گرفتار کیا۔ پولیس کا کہنا ہے کہ زبیر کو اس کے گھر کے باہر سے گرفتار کیا گیا۔