گوگل نیوز پر ہمیں فالو کریںلاہورپولیس نے خواتین کو ہراساں کرنے والے 3 برقع پوش اوباشوں کو ویلنشیا ٹاؤن مارکیٹ سے گرفتار کر لیا۔ گزشتہ رات مختلف تجارتی مراکز سے خواتین کو ہراساں کرنے والے 6 افراد کو حراست میں لیا گیا۔
پولیس نے کارروائی عمل میں لاتے ہوئے لاہورمیں ویلنشیا ٹاؤن مارکیٹ سے خواتین کو ہراساں و تنگ کرنے والے 3 برقع پوش اوباشوں کو گرفتار کر لیا۔ چوکی ہلوکی پولیس نے دوران پٹرولنگ ویلنشیا ٹاؤن مارکیٹ سے ملزمان کو گرفتار کیا۔
ترجمان کا کہنا ہے کہ ملزمان برقع پہن کر عید شاپنگ پر آئی فیملیز کو ہراساں اور تنگ کر رہے تھے، ملزمان علی، زوہیب، فیضان کیخلاف مقدمہ درج کرنے کے بعد انویسٹیگیشن کے حوالے کر دیا گیا۔
ایس پی ماڈل ٹاؤن کے مطابق سیکیورٹی کے حوالے سے اہم مقامات کو فول پروف سکیورٹی فراہم کی جا رہی ہے، خواتین کے تحفظ کیلئے تمام وسائل بروئے کار لائے جا رہے ہیں۔
علاوہ ازیں بازاروں اور مارکیٹوں میں خواتین اور بچوں کو تحفظ فراہم کرنے کیلئے ویمن پولیس اسکواڈ قائم کردیا گیا۔ پیدل اور سائیکل پر گشت کرتے اسکواڈ نے مختلف تجارتی مراکز سے خواتین کو ہراساں کرنے والے 6 افراد کو حراست میں لیا گیا۔
ہرسال عید کے آخری عشرے میں چھینا جھپٹی کی وارداتیں بڑھ جاتی ہیں، ان کو روکنےکے لیےاس مرتبہ پولیس نے شہر کے 65 تجارتی مراکز کے بازاروں میں فرینڈلی پٹرولنگ اسکواڈ تشکیل دیے ہیں، جو پیدل اور سائیکلوں پر پٹرولنگ کر رہے ہیں۔
فرینڈلی پٹرولنگ اسکواڈ میں شامل اہلکاروں کا کا کہنا تھا کہ ان کی موجودگی میں نہ تو کوئی خواتین کو ہراساں کرے گا اور نہ واردات کرنے کی کوشش کرے گا۔ دوسری طرف لوگوں کا کہنا ہے کہ اسکواڈز کی تعیناتی سے انہیں تحٖفظ کا احساس ہوا ہے۔
اسکواڈ نے گزشتہ رات پٹرولنگ کے دوران شاپنگ کیلئے آئی خواتیں کو ہراساں کرنے والے 6 افراد کو حراست میں لیا ہے۔
