راولپنڈی: سیکیورٹی فورسز نے صوبہ خیبر پختونخوا کے ضلع شمالی وزیرستان میں آپریشن کے دوران دو دہشت گردوں کو ہلاک کر دیا۔
آئی ایس پی آر کے مطابق خیبر پختونخوا کے ضلع شمالی وزیرستان کے علاقے میر علی میں انٹیلی جنس بیسڈ آپریشن کے دوران پاک فوج کے جوانوں اور دہشت گردوں کے درمیان شدید فائرنگ کا تبادلہ ہوا۔
فائرنگ کے تبادلے کے نتیجے میں دو دہشت گرد مارے گئے جن میں حافظ گل بہادر گروپ کا کمانڈر خبیب عرف بلال بھی شامل ہے۔
آئی ایس پی آر کے مطابق جائے وقوعہ سے اسلحہ اور گولہ بارود بھی برآمد کیا گیا ہے، بتایا گیا ہے کہ دہشت گرد سیکیورٹی فورسز کے خلاف دہشت گردی کی سرگرمیوں، دیسی ساختہ بموں کی تیاری اور معصوم شہریوں کے قتل میں سرگرم عمل رہے۔
مزید پڑھیں:کمسن پائلٹ آفیسرراشد منہاس کا آج 51 واں یومِ شہادت منایا جارہا ہے