گوگل نیوز پر ہمیں فالو کریںبیت المقدس: اسرائیلی قابض فوج نے مقبوضہ مغربی کنارے میں 2 فلسطینی نوجوانوں کو شہید کردیا۔
غیر ملکی میڈیا کے مطابق فلسطینی وزارت صحت نے بتایا کہ مقبوضہ مغربی کنارے میں اسرائیلی فورسز کی فائرنگ سے 2 نوعمر فلسطینی نوجوان شہید ہوگئے جن میں سے ایک کی شناخت محمد فواد عطا البید کے نام سے کی گئی جس کی عمر 17 سال تھی۔
فلسطینی وزارت صحت نے بتایا کہ محمد فواد کو رام اللہ کے پڑوسی گاؤں ام صفا میں بدامنی کے دوران سر پر گولی ماری گئی۔
Watch: Israeli forces opened fire at a #Palestinian vehicle, killing one Palestinian youth identified as Hani Makhalfa, 18, and injuring another before detaining him in the town of Sebastia, near #Nablus. pic.twitter.com/lAT2kjVleO
— Wafa News Agency – English (@WAFANewsEnglish) July 21, 2023
فلسطینی خبر رساں ایجنسی وفا کے مطابق رام اللہ کے شمال میں واقع جلازون پناہ گزین کیمپ سے تعلق رکھنے والے لڑکے کو زخمی حالت میں ستشری عرب ہسپتال لے جایا گیا جہاں وہ زخموں کی تاب نہ لاتے ہوئے دم توڑ گیا۔
اسرائیلی فورسز نے مقامی باشندوں کے ساتھ تصادم کے دوران براہ راست گولہ بارود، آنسو گیس اور سٹن گرنیڈ بھی فائر کیے۔
او آئی سی سویڈن سے تعلقات ختم کرے، علامہ طاہر اشرفی
ایسوسی ایٹڈ پریس (اے پی ) کے مطابق اسرائیلی فوج نے دعویٰ کیا کہ نقاب پوش مشتبہ افراد کی جانب سے اسرائیلی فورسز پر پتھراؤ کیا گیا جس کے جواب میں نیم فوجی سرحدی پولیس یونٹ کے ایک رکن نے فائرنگ کی جس کے نتیجے میں ایک شخص زخمی ہوا۔
فلسطینی ہلال احمر کے مطابق جمعہ کے روز مقبوضہ مغربی کنارے کی نابلس گورنری میں فائرنگ کا ایک اور واقعہ پیش آیا جس کے نتیجے میں ایک نوجوان شہید اور دوسرا شدید زخمی ہوا۔
اسرائیلی فوج نے دوسرے واقعے کے بارے میں دعویٰ کیا کہ دو نوجوانوں نے کار کی ٹکر مارنے کی کوشش کی جس پر فورسز نے فوری جوابی کارروائی کرتے ہوئے ڈرائیور کو ہلاک کر دیا جبکہ اسکے دوسرے ساتھی کو زخمی حالت میں گرفتار کر لیا گیا۔
وفا نیوز ایجنسی کے مطابق دوسرے واقعے میں شہید ہونے والے نوجوان کی شناخت 18 سالہ فوزی مخلفہ کے نام سے ہوئی ہے۔
خیال رہے کہ مقبوضہ مغربی کنارے اور مقبوضہ مشرقی یروشلم میں 2023 کے آغاز سے اب تک اسرائیلی فائرنگ سے 150 سے زائد فلسطینی شہید ہوچکے ہیں۔
