وزیراعظم شہباز شریف بلوچستان کے دورے پر جیکب آباد پہنچ گئے

اسلام آباد: وزیراعظم شہباز شریف بلوچستان کے دورے پر جیکب آباد پہنچ گئے۔

تفصیلات کے مطابق وفاقی وزیر اطلاعات مریم اورنگزیب نے سماجی رابطے کی ویب سائٹ ٹوئٹر پرایک پیغام شیئر کیا، جس میں انہوں نے لکھا کہ وزیر اعظم شہباز شریف جیکب آباد پہنچ گئے ہیں۔

وزیراعظم شہبازشریف جیکب آباد پہنچ گئے ہیں۔ این ڈی ایم اے کے حکام اور چیف سیکرٹری بلوچستان اور لیفٹیننٹ جنرل اختر نواز نے وزیراعظم کو بریفنگ دی جس کے بعد وہ سیلاب متاثرہ علاقوں کے دورے کے لئے جھل مگسی روانہ ہوگئے۔ pic.twitter.com/nz1DaYnpy3

— Marriyum Aurangzeb (@Marriyum_A) July 30, 2022

مریم اورنگزیب نے کہا کہ نیشنل ڈیزاسٹر مینجمنٹ اتھارٹی حکام، چیف سیکرٹری بلوچستان نے اور لیفٹیننٹ جنرل اختر نواز نے وزیراعظم کو بارشوں اور سیلاب سے ہونے والے نقصانات پر بریفنگ دی۔

یہ بھی پڑھیں:

ن لیگ نے اسپیکر پنجاب اسمبلی کا الیکشن عدالت میں چیلنج کردیا

پی ڈی ایم اے کے مطابق مون سون کے سیلاب کے دوران بلوچستان کے مختلف علاقوں میں بارشوں سے متعلق مختلف واقعات میں 42 مرد، 34 بچے اور 30 ​​خواتین سمیت کم از کم 107 افراد جان کی بازی ہار گئے۔

بلوچستان کی پراونشل ڈیزاسٹر منیجمنٹ اتھارٹی کا کہنا ہے کہ صوبے کے مختلف اضلاع میں رواں مون سون سیزن میں شدید بارشوں کی وجہ سے کم از کم 62 افراد زخمی ہوئے جب کہ 1000 سے زائد افراد بے گھر ہوئے۔

بارش سے متعلقہ واقعات میں ہلاکتیں چمن، کچی، بارکھان، ڈیرہ بگٹی، ژوب، دکی، پشین، پنجگور، کوہلو، ہرنائی، قلعہ سیف اللہ، سبی، لسبیلہ، لورالائی، جعفرآباد، قلات، کیچ، خضدار اور دیگر اضلاع میں ہوئیں۔