گوگل نیوز پر ہمیں فالو کریںکراچی: صوبہ سندھ کے وزیر تعلیم و محنت سعید غنی سے شہرِ قائد میں ورلڈ بینک کے وفد نے ملاقات کی جس کے دوران ”سیلیکٹ“ پروگرام پر گفتگو ہوئی۔
وفد سے ملاقات میں سندھ میں ارلی لرننگ انہانسمنٹ اینڈ کلاس روم ٹرانسفارمیشن (سیلیکٹ) پروگرام کے عملی اطلاق پر سیر حاصل تبادلۂ خیال کیا گیا۔
اس موقعے پر سیکریٹری ایجوکیشن خالد حیدر شاہ اور محکمۂ تعلیم سندھ کے دیگر اعلیٰ حکام بھی موجود تھے۔ذرائع کے مطابق ”سیلیکٹ“ پروگرام پر تقریباً 13 کروڑ ڈالر لاگت آئے گی۔
Karachi (18-Feb-2020) : Minister Education Sindh @SaeedGhani1 Chaired a meeting with World Bank Delegation on Sindh Early Learning Enhancement and Classroom Transformation (SELECT) Program.
The meeting was attended by Sec Edu Khalid Hyder Shah and Other officials of Edu Dept. pic.twitter.com/bWoItGdkZr
— Minister Local Govt, PHE & RDD Sindh. (@MinisterSindh) February 18, 2020
سندھ کے وزیر تعلیم و محنت سعید غنی تعلیم کے میدان میں صوبائی حکومت کی کارکردگی کے حوالے سے حالیہ دنوں خاصے سرگرم رہے ہیں۔ ملاقات کے دوران صوبائی سطح پر تعلیم کے حوالے سے بھی گفتگو ہوئی۔
ورلڈ بینک صوبہ سندھ سمیت پاکستان کو تعلیمی میدان میں ترقی کے لیے آسان شرائط پر قرض کی فراہمی کے لیے تیار ہے۔ اس حوالے سے صوبائی وزیر تعلیم سعید غنی نے ورلڈ بینک کی خدمات کو سراہا۔
یاد رہے کہ اس سے قبل وزیر تعلیم سندھ سعید غنی شہرِ قائد کے مختلف علاقوں میں قائم تعلیمی اداروں کے طوفانی دوروں پر نکل گئے جس کے دوران تعلیمی اداروں کی کارکردگی پر سوالات اٹھ کھڑے ہوئے۔
سب سے پہلے وزیر تعلیم سندھ سعید غنی قائد آباد میں قائم گورنمنٹ گرلز ڈگری آرٹس اینڈ کامرس کالج پہنچے جہاں اچانک آمد پر کالج انتظامیہ پریشان نظر آئی۔
مزید پڑھیں: صوبائی وزیر سعید غنی کے تعلیمی اداروں کے طوفانی دورے
