گوگل نیوز پر ہمیں فالو کریںکرپٹو کرنسی بٹ کوائن کی قیمت میں ریکارڈ اضافہ ہوا ہے، اس کی قیمت رواں برس کی بلند ترین سطح پر پہنچ گئی ہے۔
بٹ کوائن 10 ماہ میں پہلی بار بلند ترین قیمت کے ساتھ 30 ہزار ڈالر عبور کرچکی ہے۔ جون 2022 کے بعد پہلی مرتبہ دیکھنے میں آیا ہے کہ بٹ کوائن کی قیمت 30 ہزار ڈالرز عبور کرگئی ہے جبکہ رواں برس 2023 میں اس کی قیمت میں 80 فیصد اضافہ ہوا ہے۔
اسی طرح بٹ کوائن کے بعد دنیا کی دوسری بڑی کرپٹو کرنسی ایتھر کی قدر بھی 8 ماہ کی بلند ترین سطح پر آچکی ہے جس کے ایک ٹوکن کی قیمت 1942 ڈالرز ہے۔
ہیکرز نے 10 کروڑ ڈالر مالیت کی کرپٹو کرنسی چوری کرلی
امریکی فیڈرل ریزرو کی جانب سے سخت مانیٹری پالیسی میں نرمی کے بعد کرپٹو کرنسی کی قدر میں اضافہ دیکھنے میں آرہا ہے اور اس کے مزید بڑھنے کے امکانات بھی ظاہر ہیں۔
ماہرین کے مطابق کرپٹو کرنسی کی قدر کا انحصار براہِ راست امریکی پالیسیوں پر ہے اور تاثر یہ دیا جا رہا ہے کہ ان کی قدر میں مزید اضافہ ہو سکتا ہے۔
