گوگل نیوز پر ہمیں فالو کریںراولپنڈی: سابق وفاقی وزیرِ داخلہ شیخ رشید احمد نے کہا ہے کہ امریکا پاکستان کے جوہری پروگرام کو نشانہ بنانا چاہتا ہے جبکہ یہ فیصلہ قوم کو کرنا ہے کہ وہ غلام بن کر یا پھر غیرت سے رہنا چاہتی ہے۔
سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید نے کہا کہ امریکا کا اصل نشانہ ہمارا جوہری پروگرام ہے۔ ہماری معاشی، سیاسی اور اقتصادی تباہی اس کا آغاز ہے۔
ٹوئٹر پیغام میں شیخ رشید نے کہا کہ پاکستان پر کرپٹ سیاستدانوں کو مسلط کرنا پہلا قدم ہے۔ ملک میں عدم اعتماد، خانہ جنگی اور تفرقہ بازی دوسرا اقدام ہے۔ جمہوریت رہے، نہ رہے، ان کے ایجنٹ مسلط رہنے چاہئیں۔
سابق وزیرِ داخلہ شیخ رشید نے امریکی صدر کے بیان پر ردِ عمل دیتے ہوئے کہا کہ اب قوم فیصلہ کرے کہ غیرت سے رہنا ہے یا غلام بن کر رہنا ہے۔ امریکی صدر جوبائیڈن کے بیان نے پاکستان میں تبدیلی کی وجہ بتا دی ہے۔
جوبائیڈن کے بیان نے پاکستان میں تبدیلی کی وجہ بتا دی ہے۔جنکے پیسے اور جائیدادیں انکےملکوں میں ہیں،انکوایٹمی ٹیکنالوجی کی پرواہ نہیں۔ہم روایتی اسلحے میں ہندوستان کا مقابلہ نہیں کر سکتےاس لیےایٹمی ٹیکنالوجی ہی پاکستان کی سالمیت کی ضامن ہے۔کل2بجےلال حویلی میں اہم پریس کانفرنس کرونگا
— Sheikh Rashid Ahmed (@ShkhRasheed) October 15, 2022
عوامی لیگ کے سربراہ شیخ رشید نے کہا کہ جن کے پیسے اور جائیدادیں امریکا میں ہیں، ان کو ایٹمی ٹیکنالوجی کی پرواہ نہیں۔ ہم روایتی اسلحے میں بھارت کا مقابلہ نہیں کرسکتے، اس لیے ایٹمی ٹیکنالوجی ہی ہماری سالمیت کی ضمانت ہے۔
