گوگل نیوز پر ہمیں فالو کریںکراچی: پاکستان رینجرز (سندھ) اور پولیس نے انٹیلی جنس معلومات کی بنیاد پر گلستان جوہر میں مشترکہ کارروائی کرتے ہوئے متعدد جرائم میں ملوث انتہائی مطلوب ملزم سید محمد منصور عرف لمبا کو گرفتار کرلیا ہے۔
ترجمان سندھ رینجرز کے مطابق سید محمد کا تعلق ایم کیو ایم لندن سے ہے۔ ملزم کے قبضے سے اسلحہ، ایمونیشن، پولیس یونیفارم اور دیگر مسروقہ سامان برآمد کرلیا گیا ہے۔
سندھ رینجرز کے مطابق دوران تفتیش ملزم سید محمد منصور عرف لمبا نے اعتراف کیا کہ وہ کراچی کے مختلف علاقوں میں پولیس یونیفارم پہن کر اسٹریٹ کرائم، بھتہ خوری، جعل سازی کرکے لاکھوں روپے لوٹنے، فلیٹوں اور پلاٹوں پرقبضہ کروانے کی متعدد وارداتوں میں ملوث ہے۔
گرفتار ملزم کو بمعہ اسلحہ، ایمونیشن اور مسروقہ سامان سمیت مزید قانونی کاروائی کے لیے پولیس کے حوالے کردیا گیا ہے۔
یہ بھی پڑھیں : ڈسٹرکٹ اسپتال اٹک میں ڈھائی کروڑ روپے کی زائدالمعیاد ادویات غیرقانونی طور پر تلف
