گوگل نیوز پر ہمیں فالو کریںلاہور: اسلام آباد یونائیٹڈ نے اتوار کو قذافی اسٹیڈیم میں جاری پاکستان سپر لیگ (پی ایس ایل) کے جاری ساتویں ایڈیشن کے 29ویں میچ میں ملتان سلطانز کے خلاف بڑی شکست کے باوجود بالآخر پلے آف کے لیے کوالیفائی کر لیا۔
محمد رضوان کی شاندار نصف سنچری کی بدولت ملتان سلطانز نے اسلام آباد یونائیٹڈ کو چھ وکٹوں سے شکست دی۔ معمولی اسکور 106کے تعاقت میں ملتان سلطانز نے انتہائی سست بیٹنگ کا آغاز کیا، جبکہ صرف 43 پر چار وکٹیں کھو دی تھیں۔
تاہم رضوان نے ڈیوڈ ولی کے ساتھ مل کر 68 رنز کی ناقابل شکست شراکت کے ساتھ رنز کا تعاقب کیا۔ ولی نے 32 گیندوں پر 28 رنز کی سمجھدار اننگز کھیلی، جبکہ رضوان نے 42 گیندوں پر اپنے شاندار 51 رنز بنائے۔
پہلے بلے بازی کا انتخاب کرنے کے بعد، اسلام آباد کے بلے باز صرف 105رنز بنا سکے، یونائیٹڈ کے اوپنرز ناصر نواز اور محمد ہریرہ اپنی ٹیم کو خوشگوار آغاز فراہم کرنے میں ناکام رہے۔
ان کے جانے کے بعد، ٹیم خطرناک رفتار سے وکٹیں کھوتی رہی، اسلام آباد کے بلے بازوں میں سے کوئی بھی اپنی ٹیم کو خطرے سے باہر نکالنے میں خاطر خواہ حصہ نہیں ڈال سکا۔
انگلش بلے باز ڈاسن صرف 11 گیندوں پر 22 رنز بنا سکے، جبکہ محمد موسیٰ نے 21 گیندوں پر26 رنز بنائے۔ دو چوکے اور اتنے ہی چھکے لگائے۔
مزید پڑھیں: HBLپی ایس ایل7: کراچی کو کوئٹہ سے شکست، کوئٹہ بھی ایونٹ سے باہر
