گوگل نیوز پر ہمیں فالو کریںاسلام آباد: قومی و صوبائی اسمبلیوں کے مختلف حلقوں میں ضمنی انتخابات کیلئے پولنگ کا آغاز کردیا گیا ہے جو بلا تعطل شام تک جاری رہے گی۔ عمران خان قومی اسمبلی کے 7 حلقوں سے امیدوار ہیں۔
تفصیلات کے مطابق عمران خان سمیت دیگر امیدواروں میں قومی اسمبلی کے ضمنی انتخاب کیلئے کانٹے کا مقابلہ متوقع ہے۔ آج قومی اسمبلی کے 8 جبکہ پنجاب اسمبلی کے 3 حلقوں میں ضمنی انتخاب کا میدان سج گیا ہے۔
لانگ مارچ اکتوبر میں ہوگا، تیاری کر لی۔ عمران خان
چیئرمین پی ٹی آئی عمران خان قومی اسمبلی کے 7 حلقوں سے رکنِ اسمبلی کی نشست کیلئے انتخاب لڑ رہے ہیں۔ ملتان میں مہربانو قریشی اور علی موسیٰ گیلانی میں کانٹے کا مقابلہ متوقع ہے۔
خانیوال، شرقبور اور چشتیاں کی صوبائی نشستوں کیلئے بھی ضمنی انتخابات جاری ہیں۔ آج صبح 8 بجے پولنگ کا آغاز کیا گیا ہے جو شام 5 بجے تک بلا تعطل جاری رہے گی۔ ضمنی انتخاب کیلئے پی ٹی آئی سمیت دیگر جماعتیں میدان میں اتر گئیں۔
خیال رہے کہ اس سے قبل چیئرمین پی ٹی آئی اور سابق وزیر اعظم عمران خان نے اعلان کیا کہ حکومت کے خلاف لانگ مارچ رواں ماہ اکتوبر کے دوران ہی ہوگا۔ انہوں نے امریکی صدر کے بیان پر موجودہ حکومت پر تنقید بھی کی۔
آج ہونے والے ضمنی انتخاب میں چیئرمین پی ٹی آئی کی ممکنہ جیت یا شکست کو لانگ مارچ کے تناظر میں دیکھا جارہا ہے۔ تجزیہ کاروں کا کہنا ہے کہ آج اگر عمران خان جیت گئے تو لانگ مارچ حکومت کیلئے شدید مشکلات لاسکتا ہے۔
