گوگل نیوز پر ہمیں فالو کریںقاہرہ: وزیر اعظم شہباز شریف دورۂ مصر کے دوران ماحولیاتی تبدیلیوں سے متعلق کوپ 27 کانفرنس میں شرکت کیلئے شرم الشیخ پہنچ گئے ہیں۔
تفصیلات کے مطابق وزیر اعظم شہباز شریف آج ماحولیاتی تبدیلیوں سے متعلق کوپ 27 کانفرنس میں شرکت کیلئے شرم الشیخ انٹرنیشنل کنونشن سنٹر پہنچے تو مصری قیادت نے ان کا پر تپاک استقبال کیا۔
وزیر خارجہ کا یورپی یونین سے سیلاب زدگان کی امداد پر اظہارِ تشکر
Prime Minister Shahbaz Sharif arrived at Sharm El-Sheikh International Convention/Congress Center to participate in the "Sharm El-Sheikh Climate Implementation Summit".#COP27 #PMShehbazatCOP27 #PMPakCOP27 pic.twitter.com/qjMJgZuX31
— President PMLN (@president_pmln) November 7, 2022
شرم الشیخ میں وزیر اعظم شہباز شریف کو مصر کے صدر عبدالفتح السیسی اور اقوامِ متحدہ کے جنرل سیکریٹری انتونیو گوتریس نے خوش آمدید کہا۔
خیال رہے کہ اس سے قبل وزیر اعظم شہباز شریف کانفرنس آف پارٹیز (کوپ 27) کانفرنس میں شرکت کے سلسلے میں مصر کے 2 روزہ دورے کیلئے اسلام آباد سے گزشتہ روز روانہ ہوئے۔
وزیر اعظم شہباز شریف 7 نومبر سے مصری سیاحتی شہر شرم الشیخ میں شروع ہونے والی کانفرنس آف پارٹیز (کوپ 27) میں شریک ہونے کیلئے مصر پہنچے۔ کانفرنس میں 197 رکن ممالک شرکت کر رہے ہیں۔
وفاقی وزیرِ اطلاعات و نشریات مریم اورنگزیب کا کہنا تھا کہ پاکستان کیلئے کوپ 27 بڑی اہمیت کا حامل پلیٹ فارم ہے۔ کانفرنس میں موسمیاتی تبدیلیوں کے ساتھ ساتھ موسمیاتی انصاف کے مسائل پر فوری کارروائی کی ضرورت پر غور کیا جائے گا۔
