حالات ہاتھ سے نکل رہے ہیں، پرویز الٰہی کا حکومت کو بڑے فیصلے لینے کا مشورہ

لاہور:پاکستان مسلم لیگ ق کے رہنما اور اسپیکر پنجاب اسمبلی پرویز الٰہی سے حکومتِ پنجاب کے وزراء کی ملاقات کی اندرونی کہانی سامنے آگئی، مسلم لیگ ق کی قیادت نے تحریک انصاف کو بڑے سیاسی فیصلے لینے کا مشورہ دیدیا ہے۔

ذرائع کے مطابق پرویز الٰہی نے مشورہ دیا ہے کہ جو سیاسی حالات ہیں اس کا تقاضہ ہے کہ حکومت پہلے فیصلہ لے، حالات تیزی سے حکومت کے ہاتھ سے نکل رہے ہیں، جو پہلے فیصلہ لیتا ہے سیاست میں اس کوبرتری حاصل ہوجاتی ہے۔

مزید پڑھیں:علیم خان کا جہانگیر ترین گروپ میں شمولیت کا اعلان

ذرائع کے مطابق پرویز الٰہی نے کہا کہ لمحہ بہ لمحہ صورت حال تبدیل ہورہی ہے، اس صورتحال پر مشورہ بھی ہورہا ہے اور رابطے بھی ہورہے ہیں۔

خیال رہے کہ اپوزیشن وزیراعظم عمران خان کیخلاف تحریک عدم اعتماد کیلئے متحرک ہے اور اپنے نمبر پورے کرنے کیلئے ق لیگ و دیگر حکومتی اتحادیوں سے بھی رابطے کر رہی ہے جبکہ وزیراعظم کا کہنا ہے کہ تحریک عدم اعتماد والے اپنا شوق پورا کرلیں ہماری تیاری مکمل ہے۔

یاد رہے کہ پاکستان تحریک انصاف پنجاب کے رہنماء علیم خان نے آج ساتھیوں سمیت جہانگیر ترین گروپ میں شمولیت کا اعلان کیا ہے جس کے بعد حکومت کیلئےمشکلات میں اضافہ ہوگیا ہے۔