گوگل نیوز پر ہمیں فالو کریںکراچی: نیب کراچی نے ڈیفنس میں کارروائی کرتے ہوئے سندھ بلڈنگ کنٹرول اتھارٹی کے سابق ڈپٹی ڈائریکٹر فیاض علوی کو گرفتار کرلیا ہے۔
نیب حکام کا کہنا ہے کہ فیاض علوی سابق ڈی جی منظور قادر کاکا کا سب سے قریبی ساتھی بتایا جاتا ہے، چھاپہ ڈی ایچ اے فیز فائیو خیابان بادبان میں بنگلے پر مارا گیا۔
نیب حکام کے مطابق فیاض علوی پر چائنہ کٹنگ سمیت کرپشن اور غیر قانونی تعمیرات کے الزامات ہیں، فیاض علوی 2013 میں بیرون ملک فرار ہوگیا تھا۔
نیب حکام کا کہنا ہے کہ ملزم کچھ دن قبل ہی بیرون ملک سے واپس پاکستان آیا تھا، ملزم منظور قادر عرف کاکا کا فرنٹ مین بھی رہا ہے۔
واضح رہے کہ سندھ بلڈنگ کنٹرول اتھارٹی کے سابق ڈائریکٹر جنرل منظور احمد کاکا دو ہزار پندرہ میں کراچی سے متحد ہ امارات فرار ہوئے، وہ پہلے امریکہ اور اس کے بعد کینڈا مقیم رہے، نیب مفرور ملزم کو بیرون لانے کے اقدام کرنےکی کوشش نہ ہو نے کا اعتراف بھی کرچکی ہے۔
یہ بھی پڑھیں: وفاق گزشتہ تین سے گرین لائن شروع کررہا ہے ابھی تک تو ہوئی نہیں، مرتضیٰ وہاب
